Purbha Wisesa

TUTUNGKUSAN KARUHUN

Galeuh nu mangpirang taun, untung teu laas ku jaman, manusa anu sajati, tilarna anu linuhung.
Hung,,,, Ahung,,,,

foto-gunung-galunggung-tasikmalaya

“Lain iwung lain Bitung, Haur beuti teu saawi, kai mah da lain Jati, jinis hiji teu sawiji, cara sair lain Lambit, hamo sa-Aing sa-Kuring.

Saban wayah teu sausum, beurang teu sareujeung peuting, sawendu cadu sawanda, sejen poe beda mangsa.

Geura ngaca bari ngeunteung, neuteup deuleu melong tenjo, ngupingkeun ceuli jeung dangu, ngambeuan irung jeung angseu, nyebutkeun sungut jeung dawuh, ngalandi Kawula-Gusti.

Nilik diri sapribadi, ngawincik usik jeung malik, nataan lengkah ku lampah, lir milang renghap ku napas, ngitung umur nya ku hirup, nyungsi pinasti ku pati.

Titip insun Jati Sunda, dharma marganing utama, manjing jatining lastari, riksa nagara tangkal Palias, asal Waru tunggul ing rahayu, yuga karesian dina adegan tangtungan, masing ngajirim ngajisim, simpay raga-rasa acining manusa, sampurna ning budi paran ning dumadi.”

:: Purbha Wisesa

*ieu GURIT lain keur caturkeunen kanu lian, tapi pikeun SORANGANEUN dina lumampah lumaku.

tabe pun,

Published in: on 5 November 2013 at 2:37 am  Comments (1)  

Wilujeng Sumping

Selamat Datang

 

silahkan pilih Bahasa Yang diinginkan

 

INDONESIA <<< ———- >>> SUNDA

 

***

Published in: on 6 Februari 2011 at 2:41 pm  Comments (2)  

Bubuka Catur

Sampurasun,,,

Wilujeng Sumping baraya, hatur nuhun parantos linggih ka ieu blog, nyanggakeun salam pangwanoh ti sim kuring, ari ngaran mah Tjetjep, ayeuna nuju di Waruna Dwipa (BORNEO) Balikpapan – Kalimantan bagean Wetan, ngumbara ninggalkeun lembur panineungan Banda Indung.,

Atuh kabaraya bilih aya nu bade ngiring ngaramekeun ieu blog, ku komentarna, artikel atanapi naon wae, manggga kantun kirim serat ka sim kuring di ncep.borneo@yahoo.com atanapi tiasa ngobrol ngalangkungan

YM sandi asmana:  ncep.borneo

hatur nuhun,

 

 

 

~  R a m p e s  ~

 

 

Published in: on 7 Desember 2010 at 6:01 am  Comments (36)