ngumbah pusaka titinggal kolot

Geus kabukti kuring wani dina nyarita

Geus katara kuring boga wawanen

Pangjarahan disusur, tempat tapa diteang

Gunung dijugjug, leuweung awi disungsi

Teu boga kasieun, teu rempan jeung moal ngejat

Piken nyampurnakeun ieu diri, tina rupa hal

Neda bagja, neda hidayah, neda mangpaat.

Neda maunat, neda caang. Neda padang, narawangan.

Neda salamet, neda barokah

Dina nyungsi lalakon diri geusan pilakueun,

nuju lengkah ka alam anu bakal di sorang, anu ngajadi upayana,

yén diri tetep nyawang alam ka tukang

yakin jalan tatapakan anu moal nyasar



Gubrag ka alam dunya, kocéak dengékna jéntré meupeuskeun jemplingna peuting.

Disanggap ku cireumbay kabungah nu jadi kolot.

Renghap-ranjugna indung nu ngalahirkeun,

Kahariwangna Bapa anu teu aya watesna

Kaubaran ku ngagoakna ceurik kuring.

Belenyéhna seuri kuring matak gumbira anu jadi kolot,

Réngkak polahna kuring jadi bahan gogonjakan anu jadi kolot.

Waktu kuring nandangan lara kolot kuring bingung anu teu aya hinggana,

Teu kuat ngabendung kabingung indung kuring nyegruk ceurik.

Ningali kuring kasampak gering bapa kuring ngahelas bangun nalangsa, nalangsa pinuh ku kanyaah.

Basa kuring geus jadi nonoman, teu saeutik kuring boga masalah

Kasaha deui mun teu ka kolot kuring, kuring ngadu

Bapa kuring anu ngabébérés masalah kuring

Indung kuring anu ngupahan rasa kasedih kuring

Ayeuna kuring geus gedé

Ayeuna kolot kuring geus rarempo

Asa can pernah kuring mulang tarima

Nu aya ngan ngaririweuh jeung méré kapusing anu jadi kolot

Boh indung kuring atawa bapa kuring

Dugi ka ayeuna kanyaahna teu pegat-pegat

Kajeun jauh ditungtung lembur

Kajeun anggang ti pakarangan

Kanyaah indung bapa kuring tetep pageuh teu aya watesna

Duh… Ema, Bapa hampura kuring

kuring teu acan tiasa mulang tarima kanu jadi kolot

*****

poe ieu kuring nyegruk dina lahunan indung

ngedalkeun kabeungberat hate

menta rido nujadi indung jeung bapa

najan geus jadi kodratna tinu kawasa

ma, hampura abdi,,,,

salapan bulan dikandung nyusahkeun ema

teu genah kulem teu genah tuang

tiap detik tiap menit patuangan ema aya anu nejehan

koceak abdi gumelar di alam dunya

diais di rangkul ku bapa

tiris dibajuan, panas dikipasan

lapar disusuan

abdi teu acan tiasa mulangtarima,,,,,

gede ku gedena di didik ku ema jeung bapa

sinah pinter disakolakeun

geus pinter ngadon minteran nu jadi kolot

hampura ma,,,,

tiluhur sahibas rambut

tihandap sahibas dampal

nyuhunkeun panghampura tina sagala kalepatan

anu karasa, anu teu karasa

anu dihaja, anu teu dihaja

anu ageng anu alit

hampura abdi ma,,,,,

poe ieu abdi nunjukeun kawani diri

perang ngelehkeun ka era

menta hapura ka ema jeung ka bapa

saksina bumi jeung langit

restuna cimata ema

nyuhunkeun dihapunteun ma,,,,,

jam ieu detik ieu

abdi sumujud dina dampal sampean ema jeung bapa

mugi gusti nangtayungan

ka diri abdi ku karidoana ema jeung bapa

sagala anu dipimaksad ku diri mugi tinekanan

Rahayu Ema

Rahayu Bapa

Rahayu,,,  Rahayu,, , Rahayu,,,



:: BALIKPAPAN 17102010

Published in: on 17 Oktober 2010 at 11:59 pm  Comments (2)  

The URI to TrackBack this entry is: https://ncepborneo.wordpress.com/2010/10/17/nantang-kawani/trackback/

RSS feed for comments on this post.

2 KomentarTinggalkan komentar

  1. Rahayu, Sun…


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: