Layar Bodas,,,,

 

 

Aya sababaraha film di bioskop anu kantos ku sim kuring ditingal, komo sinetron dina tv mah meh saban carita di ulang ku versi anu beda. Saban waktu barobah ganti pangalaman, ti mimiti carita sedih, senang, perang nepika boborot geutih, anu pikasieuneun, ti mimiti pocong, dracula, kolor hejo, jeung jelema anu bisa itu bisa ieu anu ngaluarkeun ka ahengan tina elmuna/kanyahona. Tapi eta layar film teu kapangaruhan saeutik oge… biasa-biasa wae, manehna teu kapangaruhan nepika sesegruk lamun pas muter carita sedih, teu ngaluarkeun geutih lamun keur nayangkeun film perang sanajan pedang jeung bedil cing balentarang jeung dar der dor. Teu ngilu ngabarakatak lamun maenkeun film bodor, jeung teu ngilu gering lamun dina waktuna maenkeun film anu eusina pinuh kanyeri.

Layar tetep layar bodas anu bersih, najan maenkeun tema carita naon bae oge

Rajeun urang ningali kahirupan siga film di bioskop atawa di tv. Ningali rupa-rupa peran, aya anu gumbira padahal jerona sedih, aya anu ngobral agama jeung kayakinan tapi can nepi ka intina tina agama atawa ajaran, aya anu seuseurian tapi jerona pinuh ku kasedih, aya anu katingali benghar tapi eusina miskin, aya anu katingali biasa tapi jerona beunghar, aya anu pinuh ku panyakit, emosional, depresi, stress, kabeh lengkap aya… ebreh katingali.

urang ngan cukup ningali eta cuplikan-cuplikan kahirupan… terus leungit. Anu katingali ngan background layarna hungkul anu bodas tur bersih.
layar bodas anu teu pernah kapangaruhan ku carita kahirupan nanaon. Tetep layar bodas, tawar, damai, kosong euweuh nanaon.

lamun geus jadi layar bodas dina kahirupan, jeung bisa ningali naon bae anu katingali ngan saukur background layar bodasna hungkul, eta terapi anu paling sampurna. Intisari tina obat sagala obat.

 

_/\_
RAHAYU

:: Ntjep Borneo

 

Published in: on 30 Juni 2010 at 10:19 am  Tinggalkan sebuah Komentar  

The URI to TrackBack this entry is: https://ncepborneo.wordpress.com/2010/06/30/layar-bodas/trackback/

RSS feed for comments on this post.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: