teu bisa nyarita !!

kacaritakeun dihiji karajaan anu pinuh ku satria-satria anu gagah tur karasep, awakna bambang jarangkung badag, dada kahareup, beuteung bebereuhilan ku otot jiga leupeut anu narapeul dina kulitna.

Raja boga maksud rek ngumbara kanu jauh, jeung waktu anu teu bisa ditangtukeun iraha manehna balik deui ka karajaana. ngan manehna guligah hate sabab bakal ninggalkeun ratu na anu geulis kacida diantara satria-satriana anu kasepian. akhirna raja menta ka panasehat karajaanna pikeun ngabantuan mecahkeun masalahna. sanggeus ngajelaskeun inti masalahna ka panasehatna, teu loba lila eta panasehat karajaan teh mikir sakedeung terus jangji ka rajana rek balik nepungan deui saminggu lamun geus manggihan ide.

saminggu tiharita, eta si panasehat teh geus datang deui nepungan raja bari nembongkeun hiji alat mangrupa barang ciptaana. nyaeta calana jero awewe anu dijieun tina baja tur aya gembokan, tapi rada saeutik mahiwal, sabab dina palebah handapna.. eta pokona bagean anu eta lah…. aya bolong kira-kira diameter lima centi.

ideu alus euy, teu percumah dewek boga panasehat jiga ilaing… ceuk raja
ngan naha beut aya bolongan ? kumaha rek dipakena supaya bisa ngajaga kahormatan ratu maneh ??… ceuk raja deui

kieu, cobi tingal kang ?.. ceuk panasehat, anu kabeneran raja teh da kapi lanceukna… hehehe

terus manehna (panasehat) ngaluarkeun cau, terus diasupkeun kanu bolong dinu calana anu aya dina leungeuna, karek satengahna asup geus… sriiiing… peso ipis jiga silet anu kacida seukeutna otomatis kaluar motong cau anu asup kana jero eta calana. raja olohok ningali cau nepika potong jadi dua.

Yi… nyaan euy, ilaing mah jenius.. ceuk raja muji

tah ayeuna mah reugreug rek ninggalkeun ratu teh, kuring yakin lamun pamajikan kuring, ratu ilaing bakal kajaga kahormatana ku ieu calana ciptaan ilaing yi…

terus raja, makekeun eta calana ka pamajikana, digembok… koncina ditalian, terus dikongkorongkeun dina beuheungna. sanggeus cipika cipiki jeung ratu na… terus raja miang jeung panasehat karajaan ditambah dua pangawalna tarumpak kuda… ngileus teu katingali deui… arasup ka jero leuweung

geus sababaraha taun, akhirna raja balik deui ti pangumbaraana. satepina di istana, sang raja anu geus teu sabar ngumpulkeun kabeh pangeusi istanana di buruan, terus menta sakabeh satria, juru masak, jeung sakabeh pangebon muka calanana jeung kudu nembongkeun bobogaan sewang-sewangan.

sangkaan raja memang bener !! sabab dina inspeksi dadakan ieu, kabeh satriana geus ka “amputasi”, cacat taeuna, sakabeh pangebon kabehanana kacuali saurang juru masak.

“hey juru masak… ” ceuk Raja
ngan maneh hiji-hijina anu satia ka Dewek diantara sakabeh pangeusi ieu istana.! kusabab kitu Dewek rek mere hadiah pikeun anjeun. sok nyarita, naon kahayang anjeun pasti bakal diteudunan… buru sebutkeun.. !! ceuk Raja

Hanjakal… eta juru masak ngan bisa ngabetem teu daek ngomong jiga nu pireu, terus akhirna Raja nyampeurkeun bari nitah muka bahamna… eh si ontohod teh teu bogaeun letah ning !!

Raja ngaleos bari ngadegungkeun sirahna juru masak…🙂

~ Cag

::boedak satepak

Published in: on 26 Juni 2010 at 3:21 pm  Tinggalkan sebuah Komentar  

The URI to TrackBack this entry is: https://ncepborneo.wordpress.com/2010/06/26/teu-bisa-nyarita/trackback/

RSS feed for comments on this post.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: