Hampura Sobat,,,

 

 

Kacaritakeun aya hiji MONYET anu keur gagalacangan dihiji tangkal anu sakitu gedena disisi walungan, luncat bari gugurawilan tina dahan ka dahan bangun anu taya karempan, teu sieun potong atawa semplak. Manehna agul sabab ngan manehna anu bisa tataekan, ngarawel bubuahan jeung kembang. kajeun luhurna sakumaha pasti bisa diala jeung kadahar. Teu malire lamun aya LAUK anu nalingakeun gerak gerikna di handapeun eta tangkal dibiwir walungan. Eta lauk embung eleh, siga anu hayang katangar ku monyet, sakapeung ngagebeskeun buntutna diluhur cai, kokocepatan ngojay ngalawan arus cai, ngaluncatan batu, regang anu aya dihareupeuna. Usaha eta lauk teu sia-sia sabab panon monyet geus mulai ngalirik gerak-gerikna lauk diwalungan handapeun manehna.

Monyet nanya ka lauk, naon geunahna cicing di cai?? Ngenah keneh didarat jiga kuring, loba tingalieun jeung bisa gagalacangan diluhur tatangkalan, ceuk monyet. Akhirna pada ngaluarkeun kanyaho jeung karesep masing-masing. Teu isuk teu sore, maranehna janjian disisi walungan ngawangkong meh teu inget kana waktu.
Teu karasa, lamun sapoe teu panggih atawa ngobrol jeung eta lauk sakadang monyet ngarasa kaleungitan. Kitu oge sabalikna. Ahrina dihiji poe anu mustari, manehna duaan jangji lamun rek sapapait samamanis sanajan duanana tetep dina pamadeganna sewang-sewangan.

Pasosore sakadang monyet keur aya diluhur pucuk tangkal awi, manehna ningali aya caah anu sakitu rongkahna dihulu walungan, eta monyet gura giru turun bari jojorowokan ngageroan solmet-na, manehna hariwang lamun eta banjir bakal malidkeun lauk anu jadi babaturana. Nepi kadarat, luncat ka luhureun batu nu aya ditengah walungan bari ulak ilik… teu sieun jeung malire cai anu sakitu gedena manehna terus luluncatan tibatu kabatu meh sakapeung tisoledat bari tetep ngagoroan baturna. Dina ngagulidag na cai walungan, katingali babaturana keur babaliceutan ningkahan batu anu rek nembrag da awakna kabawa ku tohagana cai caah. Teu dililakeun akhirna sakadang monyet rikat ngajewang lauk anu keur dibuntang banting kucai. Lauk geus kasalametkeun, geus aya dina leungen monyet… bari gagalacangan dina luhur batu rek hanyat deui kadarat, eta monyet bari luluncatan meh teu eureun nyarita ka lauk lamun manehna geus ngabejaan leuwih ngenah hirup didarat tibatan di cai.

Lauk anu aya dina leungeun monyet jiga rek ngaragang nyawa, matana burial bunceulik sabab teu kuat lila aya didarat. Barang nepi kasisi walungan terus hanyat naek kanu tatangkalan. eta monyet ngagebeg sabab lauk anu aya dina leungeuna ngalempreh ampir euweuh nyawaan.
Bari turun kasisi walungan, manehna ngemrat-ngemrat cai kanu hulu babaturana, nya mimiti beunta lalaunan bari nyarita,,,,

,,,, kuring teu bisa nuturkeun anjeun sobat,,, !!! lamun eunya anjeun nyaah kakuring, keun urang hirup di alam masing-masing, nupenting urang teu geureuhan. Caah anu sakitu gedena meureun ceuk anjeun hiji musibah, tapi keur kuring ieu hiji anugrah,,,,

Bagja kuring boga babaturan siga anjeun. Lain teu narimakeun, tapi nanaon geus aya porsi jeung hak na sewang-sewangan,,,,

 

Teu loba carita, lauk anu dina leungeun eta monyet dileupaskeun deui kawalungan,,,,

 

 

~ Cag

 

 

:: Ntjep Borneo

Published in: on 22 April 2010 at 8:38 pm  Tinggalkan sebuah Komentar  

The URI to TrackBack this entry is: https://ncepborneo.wordpress.com/2010/04/22/hampura-sobat-2/trackback/

RSS feed for comments on this post.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: