RAJAH BAKTI

(SADU BAKTI)

 

Hung…ahung !
ka hyang Agung Sang Rumuhung
papayung Agung
Hyang Tatwa halanggiya ngaawandawa
anu lungguh di Buana Nyungcung
di Langit, jabaning Langit
Nu Nunggal di Jagat Niskala
Ahung…Ahung

 

Atuh Sapun…!
ka Sang Hyang Guru Hyang Tunggal
ka Hyang Guru Kawening
ka Hyang Guru Kawenang
ka Sang Hyang Kala Guru papasten
ka sakur anu araya di Kahyangan
Ahung…Ahung…!

 

Ka sakabeh kaluluhuran,
ka Batara Pangraksa jagat,
Sanghyang Ayah Guru Bumi
ka Batari panghurip hirup
Sanghyang Ambu Rumbiyang Jati
pangbayu singular lalayu,
Puh aci pangasih sari,
Ahung…ahung !

 

Ka nu demit nu nyamuni
ka nu araya dina euweuh
nu ngajarentul dina suwung
tapi araya nu ngawangwayang,
paralun…paralun
bisi kaganggu kahaharuan
bisi kaliwat teu kaajkan,
Paralun…
bongan kula hanteu ningal
bongan kula teu ngareungeu
dipenta pangampurana…sun!

 

Ka Karuhun di buder awun
Nini aki buyut bao canggah eujeung wareng
Ka ambu nu kungsi ngandung
Ka ayah marga pangtuga
Bapa kolot panghareupan
Ambu kolot pangburian
Bikang kula pangiwaan.
Sampura….Sun!

 

Mun leungit marga keulingan
Mun sasar marga lampahan
Muga pangradinkeun, pangmunahkeun
punah, punah sing kari punah
punah nu di lemah, punah nu di langit
Bayu punah baya kapunah,
mungku rahayu suasti astu,
mangka waluya nganirmala
mangka suda seda malilang, Pun…!

 

Ieu kula seja bakti, ku sasaji sapulukan
dipalar muga katampi, najan kirang saupami
bongan nu aya batan sakieu
kaboga batan sakieu,
mangga nyanggakeun nun…!

 

***

Published in: on 21 Maret 2010 at 10:31 pm  Tinggalkan sebuah Komentar  

The URI to TrackBack this entry is: https://ncepborneo.wordpress.com/2010/03/21/r-a-j-a-h-b-a-k-t-i/trackback/

RSS feed for comments on this post.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: