Ahung,,,,

Horeng TOLERANSI atar AGEMAN teh tos NYAMPAK,

kahartos tur aya dina sukma Karuhun Urang SUNDA

Huuung,,,, Ahuuuung,,,, !!!


ASMARANDANA
(pupuh)
Kasamaran ku SILI(h)WANGI
ngariung dina seminar
pada pogot pada moho
pada ngaluaran hojah
pamanggih sewang-sewangan
SILI(h)WANGI pada nulup
dirucat ti unggal MADHAB

Para ahli teu saeutik
nu tarandang makalangan
pada nembrakkeun kanyaho
enggeus pada boga alas
garapan sewang-sewangan
ngeunaan pokok lulugu
SILI(h)WANGI Raja SUNDA

PANGKUR
(pupuh)
Kula deuk milu nyarita
Najan kula pada ngarucat
Ngawincik
Kaula moal deuk timu
Najan oray jangjangan
Nepi ka sisitan belut
Lamun seug urang neanganana
Luar incah tina diri

Kula euweuh bari aya
Mata holang sagala anu
Ngajadi
Nu di darat nu di laut
Tuwuhan sato hewan
Iwak, manusa geus puguh
Eusi jagat gorombyangan
Anu nyata anu demit

Kula bibitna ageman
Hindu-Buda-Nasrani pon
Kitu deui
Najan Islam nu saestu
Nya kula nu jadi bibit
Sipat kula tilem timbul
Sakapeung kul tiheula
Sakapeung Aci ning diri

Lantaran kula nyangkorah
Dina papadang cahayana hyang
WIDI
Henteu deukeut henteu jauh
Guyub jeung TANGTUNG ANDIKA
Hamo kasusul ku saur
Hamo kaguar ku basa
Hamo kasungsi ku harti

Kula diutus gumelar
Jadi hamba, jadi raja
Jadi wali
Jadi nabi pon nya kitu
Jadi Sunda jeung Jawa
Keling Cina jeung Malayu
Kabeh bangsa eusi jagat
Nya kula nu jadi bibit

Mun aci diri ti heula
Nya kaula anu timbul
Ti pandeuri
Liwat sajarahna tangtung
Marapih iselina
Jalan meulah Prabu Wastu
Panggih jeung Sorot Kancana
Janggilingna Sili(h)wangi

Mun inyana sarasmita
Nya kaula nu mapahkeun
Welas asih
Nu mere rasa saestu
Wit kula ti tunggalna
Nyusuk PAJAJARAN TANGTU
Jajar sarua luhurna
Fajar sinaglingan jinis

Kula ngajadi tiheula
Mangsa mulang malabu ka
Maha Suci
Kula jadi panungtun
Papadang arinyana
Nyaangan jalan rahayu
Cahya awal sesebutan
Papadang raspati mati

Sakitu kula nyarita
Mun enya arandika hayang
Panggih
Jeung kaula nu satuhu
Geura prak tareuleuman
Di kujur inya satangtung
Lain ku ngalah carita
Tapi ku ngaruceut diri

~ Cag

 

:: Ambu Wirumananggay

 

Published in: on 11 Desember 2009 at 1:00 am  Tinggalkan sebuah Komentar  

The URI to TrackBack this entry is: https://ncepborneo.wordpress.com/2009/12/11/ahung/trackback/

RSS feed for comments on this post.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: